Era Exposicion d’Autobusos Classics de Barcelona naish des esfòrces conjunts dera enterpresa Sagalés, era Fondacion TMB e era Associacion entara Recuperacion e Conservacion d’Autobusos (ARCA).
Se vò revalorizar eth patrimòni e era istòria deth transpòrt collectiu urban e suburbà de superfícia. Coma possessors de materiau istoric e implicadi ena sua preservacion, conservacion e restauracion a trauès de tres cultures diferents (enterpresa publica, enterpresa privada e associacion de voluntaris), se trabalhe entà dar-lo a conéisher ath public entà qu'ac disfrute, pr'amor qu'aguest materiau, per èster transpòrt collectiu, a format part dera vida de fòrça ciutadans.
Eth trabalh en equip des organizadors hec possible en 2010 era prumèra edicion d’un eveniment sense precedents similars ena Peninsula Iberica, damb continuïtat ininterrompuda enquia aguesta 11au edicion, e damb un caractèr cada viatge mès internacionau gràcies as participants estrangèrs, en tot ampliar cada an eth nombre d’activitats parallèles e, sustot, damb mès veïculs participants en cada edicion.
